Категорија: Англија 22.04.2018 23:05
Египјанецот не се снајде под водство на Жозе Мурињо во Челси, но доби нова шанса да покаже што знае и умее во Англија откако Ливерпул и Јирген Клоп искешираа 50 милиони евра за неговите услуги минатото лето.
„Црвените“ и Германецот не погрешија, Мохамед Салах има фантастична сезона со 31 погодок зад своето име, со кои собори неколку рекорди, а може да испише уште неколку нови страни во фудбалската историја на „Островото“.
И покрај тоа што Манчестер Сити доминираше во Премиерлигата, фудбалерите му оддадоа признание на Мо Салах за извонредните партии и го избраа за Играч на годината пред Кевин Де Брујне. Во конкуренција за оваа престижна индивидуална награда уште беа и Давид Силва, Лерој Сане, Хари Кејн и Давид Де Хеа.