Тешко дека некој веруваше во тоа дека Рома ќе ја анулира негативата од гостувањето кај Барселона со 4-1, и пред своја публика ќе слави со убедливи 3-0 и ќе избори место во полуфиналето од Лигата на шампионите.

Италијанската екипа сега е пред нов голем предизвик откако загуби со 5-2 на првиот меч со Ливерпул, а имаше негатива и од дури 5-0.

Ел Шарави убедува дека Римската волчица може до ново чудо.

„Ќе мораме да направиме уште едно чудо, нов, неверојатен кам-бек, ние докажавме дека можеме да го сториме тоа против Барселона, само ни се потребни исти перформанси за тоа да го повториме“ рече тој.