Рома е пред нова мисија, ако претходната беше невозможна за тимот на Ди Франческо кој во првиот меч со Барселона загуби со 5-2 на Ноу Камп, истата ја направи возможна откако пред своја публика славеше со 3-0 и обезбеди место во полуфиналето од Лигата на шампионите.

Сепак, во полуфиналето во првиот меч повторно забележа убедлив пораз, овој пат од Ливерпул на гости со 5-2, па ќе мора да го повтори чудото од победата против Барселона, нешто, во што верува и еден од најдобрите фудбалери на Римската волчица, Раџа Наинголан.

„Веќе тоа го сторивме против Барселона, и тоа против фудбалери од типот на Меси и Суарез, ќе се обидеме да стигнеме до нов историски момент како победата против Барселона, ние со тоа покажавме дека се’ е можно“ истакна Наинголан.

„Бевме многу тажни во соблекувалната по поразот од Ливерпул, но тренерот следниот ден ни рече ‘Ние мораме да веруваме доколку сакаме успех’. Тоа е се’ што можеме да направиме“ додаде Белгиецот.