Првата ѕвезда на бранителот на европскиот трофеј Реал Мадрид, Кристиано Роналдо, како што стојат работите би требало да биде подготвен за финалната пресметка против Ливерпул во Лигата на шампионите.

Португалецот објави фотографија на социјалните мрежи на која сугерираше дека се’ е во ред со него, од друга страна, тимот од Мадрид на социјалните мрежи информираше дека на тренингот во пресрет на последниот дуел сезонава во Примера против Виљареал се вратија Роналдо и Карвахал, па очигледно е дека Португалецот ќе биде фит за финалето.

pic.twitter.com/uTmxndlUJi

Роналдо се здоби со повреда на мечот против Барселона во шпанскиот шампионат кој заврши со реми со резултат 2-2, беше заменет на паузата од средбата, а ги пропушти двата меча потоа против Севиља, односно Селта.

Големото финале од Лигата на шампионите сезонава се игра на 26 мај во Киев.