По финалето од Лигата на шампионите во кое Герет Бејл блесна откако влезе од клупата за резерви, Велшанецот истакна дека ќе има средба со својот агент и ќе одлучи што е најдобро за неговата кариера.

Герет Бејл не е задоволен од минутажата на Сантијаго Бернабеу, сака на секој меч да биде стартер па е подготвен да замине од Реал бидејќи Зинедин Зидан не му го овозможува ова.

Па играчот е топ тема на медиумите од Англија и речиси сите весници од „Островото“ пишуваат за негов можен трансфер во редовите на Манчестер јунајтед.

Се шпекулира дека позната е и цената, Герет Бејл ќе чини 200 милиони фунти, и доколку се реализира еден ваков трансфер, Велшанецот ќе биде најскап фудбалер во историјата.