Повеќе нема дилеми дека Ангарагучу, старо-новиот турски прволигаш е сериозно заинтересиран во своите редови да го доведе македонскиот репрезентативец Елиф Елмас.

Според информациите кои ги пренесе „Фанатик“, а воедно и другите тамошни медиуми, тимот кој од клупата го предводи поранешниот фудбалер на Фенербахче, Исмаил Картал, веќе испратил и понуда до тимот од Истанбул за Македонецот.

Понудата која Фенербахче ја доби за Елмас е барање за позајмица од една година, а тоа би значело поголема минутажа за нашиот фудбалер кој не добиваше многу прилика за докажување од Ајкут Кочаман, па сега се’ е во рацете на шефот на стручниот штаб на турскиот гигант.

Извор: fanatic.com.tr