Категорија: Шпанија 10.06.2018 16:43
23 годишниот Србин важи за еден од најперспективните млади играчи во Европа и веќе го привлече вниманието на голем број клубови како Манчестер јунајтед, ПСЖ и Јувентус.
Првиот човек на Лацио, Клаудио Лотито неодамна откри дека одбил богата понуда и порача дека бара преку 100 милиони евра за да се раздели со Сергеј Милинковиќ Савиќ.
Според денешното издание на Ил Месаџеро, Реал Мадрид и Флорентино Перез се подготвени за голема инвестиција и ќе му ја исполнат желбата на Лотито со понуда од 150 милиони евра, плус уште 20 додатни милиони во бонуси.
Ова е понуда од која боли глава, и доколку пристигне и во пишана форма, тешко дека „Бјанкочелестите“ ќе можат да одолеат.
„Кралевите“ за Милинковиќ Савиќ веќе имаат подготвени пет годишен договор и плата од 6 милиони евра по сезона. При евентуално реализирање на една ваква зделка, Србинот ќе стане третиот најскап фудбалер во историјата, зад Нејмар и Килијан Мбапе.