Категорија: Италија 12.06.2018 11:36
Тројца членови на експедицијата на Португалија во Русија побараа раскин на договорот со Спортинг и ги алармираа гигантите ширум Европа. Па иако пред „Селесао“ е стартот на Светското првенство и важен дуел со Шпанија, на денешната прес конференција главни беа прашањата за иднината Желсон Мартинс, Вилијам Карваљо и Бруно Фернандеш.
Жоао Марио беше тој кој одговараша, а фудбалерот од средниот ред имаше само мал совет до своите колеги од репрезентацијата.
„Немојте да сте отишле во Италија, Серија А не треба да ја земете во предвид!” – вели Жоао Марио, кој пред две години направи богат трансфер од Спортинг во Интер вреден 50 милиони евра, но се покажа како големо промашување и во јануари беше испратен на позајмица во Вест Хем.
„Сепак, ова не е прашање за овој момент. Целата група е фокусирана на она што е важно, а тоа е мечот со Шпанија во петок“.