За иднината на Французинот се пишува со месеци, имаше најави дека веќе се договорил со Барселона и ќе се пресели на Камп Ноу во зделка вредна 100 милиони евра. Но како одминуваше времето, изостануваше официјална информација за ваков трансфер, па се посилно се говореше за негово останување.

Антоан Гризман најави дека ќе го открие името на новиот клуб пред почетокот на мундијалот и откако умешно ги избегнуваше новинарските прашања изминативе денови, тој вечерва на необичен начин ја соопшти иднината. На крајот од документарниот филм кој беше пуштен во етер верчва, напаѓачот рече: „Одлучив да останам“.

Веднаш потоа Антоан Гризман се огласи и на социјалните мрежи каде напиша: „Моите фанови, мојот тим, МОЈОТ ДОМ!!! Атлетико Мадрид“.

Mi afición, mi equipo, MI CASA! @atleti

Mes supporters, mon équipe, MA MAISON ! @AtletiFR

My fans, my team, MY HOME!!! @atletienglish pic.twitter.com/ByD8Cju5Yb

— Antoine Griezmann (@AntoGriezmann) June 14, 2018