Италијанската легенда по 17 години поминати во дресот на Јувентус, минатиот месец реши да стави крај на авантурата во Торино. Сепак, Џиџи Буфон не замина во пензија откако на негова адреса пристигнаа неколку примамливи понуди.

Се говореше дека проектот на ПСЖ е најпривлечен за 40 годишниот голман, во неколку наврати се појавија информации дека двете страни се договориле, но никако да пристигне официјална потврда.

Сепак, судејќи според последната објава на социјалните мрежи, Џиџи Буфон би можел да заврши во МЛС шампионатот.

Тој на Твитер се пофали дека добил подарок дрес од ЛА Лејкерс како и баскет потпишан од иконата Коби Брајант, на кого Италијанецот му порача дека наскоро ќе се сретнат во Ел-Еј.

Hey @kobebryant. Hey @Lakers . Thanks for the gifts. @WishShopping passed these to me whilst filming #timeonyourhands. Kobe, Let’s hang out in LA soon. @Lakerscommunity pic.twitter.com/4dcnXu3sik

— Gianluigi Buffon (@gianluigibuffon) June 17, 2018