Категорија: СП 2018 19.06.2018 00:08
Аргентина едвај се пласираше на СП 2018, а играше под очекувањата и во подготвителните натпревари. „Гаучосите“ потфрлија и на вовоедниот натпревар во Русија откако одиграа само 1-1 со дебитантот Исланд. Јасно е дека нешто не штима во репрезентацијата, па Хорхе Сампаоли подготвува револуција во составот веќе за дуелот со Хрватска.
Според медиумите од Аргентина, стратегот ќе ја замени формацијата и ќе направи барам три измени во стартниот состав. Една од опцииите е 3-3-3-1 во која Меркадо ќе го замени Рохо покрај Отаменди и Таљафико во одбраната составена од тројца играчи, додека Акуња ќе игра место Биља во средниот ред покрај Маскерано и Салвио. Ди Марија ќе му го препушти местото на Павон, кој ќе биде покрај Меси и Меза во офанзивната линија зад напаѓачот Агуеро.
Втората опција е формација 3-4-3, каде одбраната исто така ќе биде составена од Меркадо, Отаменди и Таљафико, додека Енцо Перез би се нашол во средниот ред заедно со Акуња, Маскерано и Салвио, а Павон ќе им прави друштво на Меси и Агуеро во форот.