Категорија: Македонија 19.07.2018 09:21
Фенербахче вчера одигра контролен меч против старо-новиот англиски Премиерлигаш Фулам, во кој славеше убедлива победа од 3-0, а нашиот 18 годишен репрезентативец Елиф Елмас блескаше на теренот пред очите на новиот тренер Филип Коку.
Елмас одигра 84 минути од средбата, беше изваден од игра кога веќе беше поставен конечниот исход од контролката, а „Хуријет“ во својата анализа истакна дека Македонецот бил ѕвезда на теренот.
„Елиф Елмас беше ѕвезда на теренот. Тој беше многу силен и трчаше премногу. Еден од најистакнатите фудбалери за оваа сезона треба да биде токму тој“ напиша истиот медиум поставувајќи го Елмас на првото место во својата анализа од контролката со Фулам.
Извор: hurriyet.com.tr