Категорија: Шпанија 20.07.2018 20:05
Калчомеркато известува дека агентот на Мирален Пјаниќ веќе имал почетни разговори со Челси, а истовремено пак, Јувентус во Н’Голо Канте ја пронајде замената за Босанецот во своите редови.
Босанскиот офанзивец е од поодамна интересен за Барселона, но и Манчестер Сити, а познато е дека Бјанконерите имаат нескриена желба тој да остане во дресот на Старата Дама, со тоа што тимот од Торино наводно е подготвен да му понуди нов, побогат договор.
Агентот на Пјаниќ, Фали Рамадани веќе имал разговор со претставници на Челси, а истиот се случил пред само два дена, контактот со тимот од Стемфорд Бриџ е веќе воспоставен.
Од друга страна пак, медиумите во Италија пишуваат дека Пјаниќ нема ништо против во тоа да остане во Јувентус кој наводно би му понудил нов договор вреден 6 милиони евра по сезона плус бонуси, со тоа што Босанецот би останал во Торино до 2023. година, но, можно е тој да има нов предизвик во својата кариера.
Јувентус веќе во Н’Голо Канте ја пронајде замената за Пјаниќ, а обајцата се споменуваат за оваа опција по која можат да завршат во спротивни правци, дали тоа ќе се случи, останува да видиме во периодот кој претстои.