23 годишниот македонски интернационалец од редовите на Олимпија Љубљана, Даниел Аврамовски го постигна дебитантскиот гол во дресот на словенечкиот прволигаш.

Откако го доби првиот меч со убедливи 3-0 пред своја публика, Олимпија на гости во реваншот денес славеше со 1-4 и со вкупен резултат од 7-1 го понижи својот противник со што избори дуел со Спартак Трнава во плејофот од квалификациите за место во групите од Лига Европа.

Нашиот Аврамовски беше стрелец на голот за 0-2 во 72. минута откако успеа да искористи невнимателност во одбраната во казнениот простор на домаќините, ова е негов прв, дебитантски гол на официјален меч во дресот на Олимпија Љубљана откако летово се врати од Војводина каде настапуваше како позајмен фудбалер.

(голот на Аврамовски на 4,05)