Категорија: Шпанија 18.08.2018 00:13
Македонскиот репрезентативец, Енис Барди ги одигра сите 90 минути на натпреварот, покажа голема борбеност, но немаше влијание при постигнувањето на погодоците на Леванте.
Натпреварот беше отворен во 37. минута кога по асистенција од Џејсон, Роџер од непосредна близина ја смести топката во мрежата за водство на Леванте од 1-0, тоа беше и првиот гол во новата сезона во Примера.
По девет минути игра во вториот дел, напаѓачот Моралес со топката претрча неверојатни 77 метри и постигна гол за водство на гостите од 2-0.
Леванте играше многу организирано и борбено, па немаа проблем да го задржат водството и да запишат три бода.
Не само што ја задржаа предноста, туку во 95. минута со уште еден гол на Моралес славеа убедлив триумф од 3-0.
Претходно се одигра дуелот меѓу Жирона и Ваљадолид кој заврши без голови 0-0.
Погледнете го фантастичниот погодок на Моралес за 0-2:
#LaLiga. Is. Back!
— Nils Kern (@nilskern17) August 17, 2018
Awesome goal by Morales, bringing Levante 2-0 at Betis in front! #RealBetisLevante pic.twitter.com/iILT0OLK0S