Категорија: Македонија 21.08.2018 13:40
Илиевски денеска го објави списокот на фудбалери за квалификациските мечеви со Србија и Ерменија. Македонија одамна ги загуби сите шанси за добар пласман, па новиот селектор повеќе размислува за следниот циклус.
„Не очекуваат два натпревари од тековниот квалификациски циклус, против Србија на гостински терен и против Ерменија во Скопје. Ова е подмладен состав на Македонија до 21 година и на некој начин вовед за следниот квалификациски циклус и идните предизвици кои ја очекуваат оваа репрезентација. Голем дел од фудбалерите се од генерацијата `99 и помлади и имаа одлични настапи во Елитната фаза квалификации до 19 години“, истакна Илиевски.
„Србија е непоразена, односно нема загубено бод во квалификациите и ќе настојува со сите сили да го освои првото место и да се пласира на ЕП. Нашите шанси за висок пласман се загубени, но сериозноста во пристапот не е намалена. Нашите амбиции и желби се исто тата големи за да се направи добар резултат, да се врати самодовербата кај фудбалерите и вербата во оваа селекција. Секој освоен бод ќе значи многу за подобрување на пласманот и ќе се обидеме максимално да се подготвиме за натпреварите“.