Според обложувалниците, Жозе Мурињо е прв фаворит да добие отказ во Премиерлигата. „Специјалниот“ е во лош однос со извршниот потпретседател Ед Вудворд откако ова лето не му беа донесени играчите кои ги побара, а затегнат однос има и со првата ѕвезда на тимот, Пол Погба.

Притисокот се зголеми откако „Ѓаволите“ загубија на гостувањето кај Брајтон минатиот викенд, и иако Португалецот не помислува да се повлече, се верува дека лидерите на Манчестер јунајтед веќе имаат стокмено листа со можни наследници.

На неа се наоѓа Зинедин Зидан, и според Дејли Мејл, Французинот на блиски пријатели им се доверил дека очекува понуда доколку Жозе Мурињо добие отказ во следните месеци.

Популарниот Зизу исто така на пријателите им соопштил дека е заинтересиран за можноста да седне на кормилото на гигантот од Олд Трафорд доколку му се укаже шанса.