Категорија: Шпанија 27.08.2018 10:55
Реал Мадрид врза две победи во низа на стартот од новата сезона во шпанската Примера, прва жртва на Кралевите беше Хетафе, а синоќа и Џирона која иако пред своја публика поведе, на крајот загуби со 1-4 од големиот фаворит.
Сепак, на тој натпревар Хулен Лопетеги, шефот на стручниот штаб на Реал Мадрид направи помалку изненадувачка замена во 60 минута при водство на неговиот тим од 1-3, го извади од игра Марсело, а на теренот влезе Варан.
Бразилецот ја коментираше одлуката на неговиот тренер, признавајќи дека бил изненаден од таа ситуација.
„Изненаден сум поради замената, но ја почитувам одлуката на тренерот. Сакав да го продолжам мечот бидејќи сум 100% подготвен“ рече Марсело.
Лопетеги на ова додаде дека идејата му била да ја засили левата страна на која игра Бразилецот, и неговиот тим да се фокусира на играта во воздух бидејќи противникот бил добар во тоа.