Категорија: Македонија 03.09.2018 09:19
Илија Несторовски се’ до последниот ден од веќе изминатиот преоден рок бил опција на трансфер пазарот, тоа го потврди и првиот човек на Палермо, Маурицио Ѕампарини, кој побара време за Македонецот да се врати во посакуваната форма.
„Мора да имаме разбирање за Несторовски, се соочи со една посебна ситуација поради тоа што се’ до последниот ден од преодниот рок беше опција на трансфер пазарот. Дајте му време да се врати, да работи, за тимот и за самиот себе“ порача Ѕампарини и самиот свесен дека Македонецот имаше потреба од менување на клубот за да игра во повисок ранг на натпреварување.
Палермо тргна со два бода во новата сезона од Серија Б откако лани не успеа да обезбеди место во елитното Серија А друштво, капитенот на Сицилијанците во првиот меч против Кремонесе (2-2) ги одигра завршните 18 минути, а веќе во следниот меч кај Салернитана (0-0) ги одигра сите 90 минути, но, не се уште нема постигнато гол во новата сезона.