Македонија има историска шанса да се пласира на Европското првенство, а за тоа да се случи треба да триумфира во четвртата лига од Лигата на нации.

Натпреварувањето го почнуваме против Гибралтар, фаворити сме и се освен победа на овој дуел ќе биде неуспех.

„Ги реализиравме подготовките за натпреварот против Гибралтар. Се навикнавме на временските услови и на условите за игра, пред се на теренот. Верувам во моите фудбалери и убеден сум дека ќе оствариме позитивни резултати. Нема да експериментираме со тимот, ќе настапат најдобрите. Верувам дека сите ќе имаат вистински пристап и со победа ќе започнеме во ова натпреварување, изјави Ангеловски на денешната прес конференција.

Натпреварот меѓу Гибралтар и Македонија се игра во утре (четврток) со почеток од 20:45.