Категорија: Англија 10.09.2018 08:56
Во последно време Зинедин Зидан се најавува како наследник на Жозе Мурињо на кормилото на Манчестер јунајтед. Се говори дека Французинот е подготвен да скокне доколку „Специјалниот“ добие отказ, и наводно веќе има составено и листа со желби и ги има идентификувано играчите кои сака да ги донесе на Олд Трафорд.
Во разговор со ТВЕ, Зинедин Зидан не ги прокоментира овие гласини, но порача дека наскоро ќе му се врати на фудбалот.
„Сигурен сум дека наскоро одново ќе работам како тренер. Фудбалот е мојот живот, уживам во него и набрзо ќе имам ангажман“ - истакна Зизу откако го гледаше натпреварот на својот син Елјаз во академијата на Реал Мадрид.