Лука Модриќ се уште е цел на Интер, италијанскиот калчолигаш имаше обиди во текот на летниот преоден рок, но, безуспешни, одредени медиуми шпекулираат дека Нероаѕурите ќе имаат нови обиди за Хрватот, и тоа уште во јануари.

Интер се соочи со негативен одговор на Реал Мадрид, со кого Хрватот има важечки договор до 2020. година, во кој има и откупна клаузула од цели 200 милиони евра, Италијанците наводно му понудиле шестгодишен договор со 10 милиони евра годишна плата во преговорите.

Обидите на тимот од Милано резултираа со тоа што Реал Мадрид го пријави овој случај во ФИФА, поради преговори со фудбалер кој се уште има важечки договор со друг клуб, како и да е, Интер нема да се откаже, „Sport Mediaset“ пишува дека идните обиди Нероаѕурите ќе ги направат уште во јануари.

Дел од италијанските медиуми шпекулираат дека Модриќ веќе ги известил своите соиграчи од селекцијата на Хрватска дека во јануари ќе ја напушти Шпанија, па ништо чудно да им се приклучи на своите сонародници Врсаљко, Перишиќ и Брозовиќ во Интер.