Категорија: Лига Европа 20.09.2018 18:28
Челси во ланската сезона не успеа да избори место во Лигата на шампионите, но затоа обезбеди место во второто по ранг европско клупско натпреварување, Лига Европа, а денес истото во групата „Л“ го стартува против грчки ПАОК, и тоа на негов терен.
Маурисио Сари направи пет измени во однос на последниот меч на Челси во Премиерлигата, тие ќе бидат одморени, а од стандардните тука се Аризабалага, Рудигер, Алонсо, Жоргињо, Канте, како и Педро.
Давид Луиз, Цезар Азпиликуета, Матео Ковачиќ, Еден Азар и Оливие Жиру се изоставени од почетниот состав, па на нивно место се најдоа Андреас Кристиансен, Давиде Ѕапакоста, Рос Баркли, Вилијан и Алваро Мората, сите тие ќе почнат од првата минута на средбата во Грција која почнува во 18,55 часот.