Категорија: Македонија 23.09.2018 19:08
Во шестото коло Академија Пандев ја забележа петтата победа оваа сезона, денеска славеше на гостувањето кај Победа со 4-2.
Миловановиќ постигна два гола, а деби погодок имаше и Ванче Шиков, еднаш прецизен беше и Дориев кој реализираше од пенал. Победа успеа да надополни негатива од 0-2, го изедначи резултатот со голови на Ефремов и Мустафов, но потоа прими два нови погодоци за нов пораз.
Шкендија дојде до три тешки бода од гостувањето кај Силекс. Бесарт Ибраими во четвртата минута од продолжението постигна гол за триумф од 2-1. Претходно Тетовци со погодок на Бојку уште во 14. минута водеа со 1-0, а Силекс изедначи преку Грозданоски на десет минути до крајот.
Беласица со голови на Серафимовски и Ивановски славеше со 2-0 на гостувањето кај Ренова. Во скопскиот меч Шкупи со 2-1 беше подобар од Македонија Ѓорче Петров.
По шест одиграни меча, Академија Пандев е прва со 15 бода, еден повеќе од Шкендија и Вардар кои имаат по 14.