Категорија: Франција 25.09.2018 12:28
Според информациите од Франција, Балотели секое утро во 7:30 часот пристигнува во тренинг центарот на Ница и сам почнува да тренира.
Италијанскиот напаѓач пропушти голем дел од подготовките за новата сезона додека преговараше за трансфер во Марсеј.
Лошата форма се покажа на неговиот настап за италијанската репрезентација но и во првите неколку меча за Ница.
Сега Балотели го препишал рецептот на Роналдо, почнува да тренира пред другите да пристигнат на тренинг, а потоа продолжува да работи и со нив.
Колку ќе трае овој режим на контроверзниот Балотели и дали ќе успее да се врати во најдобра форма, останува да видиме.