Во 41. минута од мечот на Стемфорд Бриџ, Бобан Николов одлично следеше една акцијата на Челси, ја пресече топката и веднаш тргна во контра. Тој доби идеално додавање во фор, го надтрча Гери Кејхил, кој стартваше но ја промаши топката и го собори противникот на работ од шеснаесетникот.

Судијата сепак не досуди ништо а Македонецот се чудеше на одлуката со оглед на тоа дека беше чист фаул. Од повторените снимки убаво се гледа дека има контакт помеѓу дефанзивецот на Челси и Бобан Николов.

Стартот веројатно беше надвор од шеснаесетникот и немаше да има пенал, но тоа ќе значеше црвен картон за капитенот на Челси бидејќи спречи шанса за гол.