Категорија: Италија 11.10.2018 10:45
Се чини дека заминувањето на Ремси од Арсенал по цели десет години минати во дресот на Топчиите е се поизвесно, Дејли Мејл денес извести дека Ливерпул и Челси пријавиле голема заинтересираност за услугите на Велшанецот, но тие веќе имаат конкуренција од Италија.
Освен двата Премиерлигаши, и Јувентус би можел да дојде до договор со Велшанецот, а тоа би можело Старата Дама да го стори уште во јануарскиот преоден рок, ако се земе во предвид дека неговиот договор со Арсенал истекува идното лето.
Јувентус е се чини фаворит за потписот на Ремси, како клуб вон Островот, Старата дама може да преговара за договор уште во јануари, тоа не важи за Ливерпул и Челси кои доколку посакуваат таква опција, ќе мораат да исплатат обештетување на Арсенал, или да чекаат до летниот преоден рок за да стартуваат со преговорите.
Се шпекулира дека Јувентус е блиску до посакуваните услови кои Ремси ги има, а тие се 250.000 фунти неделна плата, а Старата дама сигурно би му гарантирала на Велшанецот прилика да биде дел од почетниот состав на екипата во битката за титулата во Серија А, како и место во натпреварите од Лигата на шампионите.