По серијата лоши резултати, Барса им се врати на победите но „Каталонците“ доживеаја пех откако го загубија Лео Меси.

Вечерва на Камп Ноу гостуваше Севиља и домаќините одлично го отворија мечот. Со голот на Кутињо во 2. минута поведоа со 1-0, а десет минути подоцна Меси погоди за 2-0.

Сепак Аргентинецот потоа незогдно падна на раката и мораше да биде заменет. Оваа повреда како да ги исфрли двата тима од ритам па за нов гол се чекаше дури до 63. минута кога Суарез од пенал зголеми на 3-0.

Сарабија во 79. минута намали на 3-1, но Барса не дозволи противникот да се врати во игра и Ракитиќ во 88. минута ги осигура трите бода. До крајот на мечот, Муриел само ги постави конечните 4-2.

Претходно, Виљареал и Атлетико Мадрид одиграа 1-1, а со овој резултат заврши и пресметката помеѓу Валенсија и Леганес.