Манчестер Сити доби непостоечки пенал на натпреварот против Шахтар, Рахим Стерлинг сам се сопна од тревата, а судијата покажа на белата точка, фудбалерот сега се извинува.
Категорија: Лига на Шампиони 08.11.2018 10:59
Манчестер Сити го победи Шахтар со 6-0, а Виктор Кашаи досуди два пенали за домаќините, од кои тој врз Стерлинг беше голема грешка.
Фудбалерот на Манчестер Сити му се извини на судијата и на Шахтар но вели дека не било намерно.
„Сакав да ја поткопам топката и не знам што се случи следно. Завршив на подот“, изјави Стерлинг.
„Не почувствував контакт, тоа беше моја грешка. Го удрив подот и паднав. Му се извинувам на судијата и на Шахтар“.