Фудбалерот од средниот ред на Милано, Тимуе Бакајоко потврди дека свирежите од навивачите на Росонерите не му се допаѓаат, но, додава дека ги разбира истите.

Францускиот интернационалец се приклучи на тимот од Милано во летото како позајмен од редовите на Челси, но, не успеа, барем до моментов, да ги освои симпатиите на гледалиштето на Сан Сиро со неговите перформанси досега.

„Свирежите не ми се допаѓаат, но, ги разбирам“ рече Бакајоко во интервју за Sky.

„Се надевам дека тие ќе ми аплаудираат скоро, веќе имам некои добри перформанси, но, ние сме само на почетокот, се надевам ќе бидам одлучувачки и ќе го направам Милан еден од најдобрите четири екипи во Серија А“ додаде тој.