Категорија: Македонија 16.11.2018 18:46
Младата македонска фудбалска репрезентација за играчи до 21 година веќе ја одигра првата контролка во Подгорица каде ги одмери силите со Србија, загуби минимално со 1-0, а по првите 45 минути игра мрежите мируваа.
Стрелец на единствениот гол за победничкиот табор беше Терзиќ кој во 58. минута им нанесе пораз на избраниците на Добринко Илиевски, а на контролката беа доделени неверојатни три црвени картони.
Во нашиот табор исклучени беа Руфати и Трајановски, а кај противникот предвреме во соблекувалната беше испратен Бирманчевиќ.
Илиевски се реши мечот да го почне во следниот состав: Божиновски, Јованов, Трајановски, Руфати, Ристовски, Атанасов, Здравковски, Трапановски, Митровски и Тодороски.
Следната контролка, овој пат со домаќинот Црна Гора, е предвидена да се одигра во понеделник.
Фото-вест: ФФМ (архива)