Поранешниот фудбалер на ПСЖ, Барселона и Милан во последно време е во центарот на вниманието поради проблеми со законот во родниот Бразил.

Неодамна му беше конфискуфан пасошот откако беше установено дека во банка има само 6 евра а на државата и должи 2 милиони евра за нелегална градба.

Но ова не е единствениот проблем, синоќа полиција упаднала во семејниот дом на Роналдињо и запленила три луксузни автомобили (два од марката БМВ и еден Мерцедес), уметничка слика, телевизори, маса за бијлард и фусбал.

Налогот е издаден за да се наплати казна која ја заработил неговиот брат Роберто де Асис за случај од 2013 кој е поврзан со изградбата на Институтот Роналдињо Гаучо и Центарот Роналдињо Гаучо во 2007. Тогаш е извршена нелегална сеча на локална шума и градба на земјиште без потребните документи за заштита на околината.

Обвинетите се сложиле да ја надоместата штетата, но тоа никогаш не го стириле, па обвинителството сега издало наредба за запленување на имот.

Во меѓувреме, Роналдињо продолжува да шета низ светот. Минатата недела беше во Франкфурт каде одигра пријателски меч, а пред неколку дена на Инстаграм се пофали дека е во Дубаи.