Категорија: Англија 18.12.2018 11:56
Веројатно Пол Погба ќе остане во Манчестер јунајтед, откако клубот се реши да му врачи отказ на досегашниот тренер Жозе Мурињо кој две ипол години го предводеше тимот од Олд Трафорд.
Подолг период Погба се поврзуваше со заминување од Манчестер јунајтед, а како главна причина за таквиот можен исход се наведуваше токму Мурињо, со кого имаше заладени односи.
Ја бележиме и првата реакција на францускиот репрезентативец на социјалните мрежи по отказот на Мурињо, а ќе додадеме дека истата објава беше избришана од страна на Погба само десет минути по објавувањето.