Маурицио Сари признава дека на Челси очајно му се потребни две засилувања, тој веќе има две желби кои ги бара од клубот, а тоа се напаѓачот Гонзало Игуаин од Милан, како и фудбалерот од средниот ред на Каљари, Николо Бареља.

Цеск Фабрегас веќе и официјално си замина од Лондон и се пресели во Монако, а се’ погласни се шпекулациите дека и Алваро Мората ќе си замине, па токму Игуаин и Бареља се двете големи желби на италијанскиот фудбалски стратег од клупата на Челси кој јасно ставил дознаење и до челниците на клубот.

„Како што добро знаете, јас не сум инволвиран во трансфер политиката, но, зборував со челниците на клубот и тие многу добро знаат дека мојата желба е сосема јасна, потребни ни се две засилувања, а понатаму се’ е одлука на клубот“ рече Италијанецот.