Атлетико Мадрид е првата голема жртва во Копа дел Реј. „Колчонероси“ се елиминирани откако Жирона одигра одличен натпревар на „Ванда“ и благодарејќи на гол повеќе во гости се пласираше во четвртфинале.

Домаќините добро го започнаа мечот, Калиниќ погоди за 1-0, но Валери со прекрасен гол донесе изедначување во 37. минута. По еден час игра, Стуани навести изненадување и ја затресе мрежата на Атлетико за 1-2.

Но избраниците на Симеоне никогаш не се предаваат, па Кореа изедначи на 2-2 во 66. минута за Гризман да реализира во 84. минута за 3-2. Драмата не запре и Думбија само три минути подоцна донесе 3-3.

Атлетико има за што да жали, со помош на ВАР им беа поништени два гола, но вториот се чини дека беше регуларен и судиите направија грешка. Домаќините исто така бараа и прекршок врз годин на стартот од акцијата при вториот гол на Жирона, но судијата со помош на ВАР пресече дека се е регуларно.