Категорија: Италија 21.01.2019 23:10
Во последниот натпревар од 20. коло во Серија А, „бјанконерите“ лесно се справија со Киево и прокнижија нови три бода. Јувентус влезе како апсолутен фаворит и Даглас Коста со шут од далечина во 13. минута најави победа за домаќините.
Пред крајот на првиот дел, својот првенец во Калчото го постигна Емре Џан и зголеми на 2-0.
На стартот од вториот дел, Роналдо пропушти да ја зголеми предноста, ЦР7 биеше од белата точка но Сорентино го прочита и му го одбрани ударот.
Португалецот имаше фрустрирачка вечер и не искориси уште неколку шанси, но пред крајот на мечот гостите капитулираат и по трет пат. По еден скратен корнер, Ругани осамен скокна на пет метри и ја затресе мрежата на Киево за конечни 3-0.