„Каталонците“ за следната сезона веќе донесоа големо засилување, Френки Де Јонг од Ајакс ќе треба да го подмлади средниот ред. Лидерите на клубот исто така работат и на ангажман на нов напаѓач, кој ќе треба да го одмори Луис Суарез но и да го замени во иднина со оглед на тоа дека Уругваецот има 32 години.

Барса се поврзуваше со неколку имиња а според последните информации, изборот паднал на Лука Јовиќ. Според пишувањата на весникот „Франкфуртер Алгемајне“, шампионот на Шпанија си подал рака со агентот на 21 годишниот Србин и двете страни постигнале согласност за платата на голгетерот.

Сега останува Барселона да се договори и со Ајнтрахт Франкфурт за висината на обесштетувањето. „Франкфуртер Алгемајне“ додава дека на адреса на „Орлите“ се уште нема пристигнато конкретна понуда.

Со 14 погодоци зад своето име, Лука Јовиќ во моментов е прв стрелец во Бундеслигата, и со одличните партии го привлече вниманието на многу клубови помеѓу кои Реал Мадрид и Баерн Минхен, па се шпекулира дека трансферот на Србинот може да чини и до 50-60 милиони евра.