Полс Сколс е нов тренер на тимот од Лига 2, Олдам Атлетик откако денеска стави потпис на 18 месечен договор.

Досегашниот тренер на Олдам, Мик Прист ќе му биде асистент на Сколс.

„Пол освоил се што може да се освои во фудбалот“, вели сопственикот на Олдам, Абдалах Лемсагам на денешната промоција.

„Тој е човек кој ќе донесе големо фудбалско знаење и глад за успех. Не е тајна колку тој ја сакаше оваа работа и колку го сака овој клуб, среќен сум што станува дел од Олдам фамилијата“.

„Пол ќе има 100 проценти поддршка од мене и се надевам дека со заедничка работа на клубот повторно ќе му донесеме успех“.