Категорија: Германија 15.02.2019 23:47
„Баварците“ се доближија на -2 во однос на Борусија Дортмунд откако вечерва потешко од очекувањата триумфираа на „ВВК Арена“.
Аугзбург во два наврати водеше, најпрво со автоголот на Горецка по само 13. секунди, а потоа и со погодокот на Ји Донг Вон. Коман го враќаше Баерн во живот, Французинот најпрво изедначи на 1-1 во 17. минута, за потоа во третата минута од судиското надополнување на првиот дел да донесе реми од 2-2.
Кингсли Коман на стартот од вториот дел му асистираше на Алаба за 2-3 и помогна гостите
да направат целосен пресврт.
Сепак, Французинот во последните мигови доживеа нов пех и го повреди проблематичниот скочниот зглоб на левата нога, кој веќе два пати го оперираше и најави дека ќе се пензионира доколку го чека нова долга пауза.
По крајот на мечот, Нико Коваќ изјави дека повредата не изгледа добро, и позитивно е само тоа што Кингсли Коман можеше сам да оди кога го напушти теренот и се упати право во соблекувалната.