Зинедин Зидан наводно поставил три услови за да го преземе кормилото на Челси, каде под огромен притисок е Маурицио Сари, пишува Сан.

Се шпекулира дека првиот услов е да се реши прашањето со првата ѕвезда на тимот, Еден Азар, односно, Белгиецот да потпише нов договор со што би станал централна фигура во тимот.

Втората причина е клубот да овозможи цели 200 милиони фунти за засилување на составот, а воедно третата кореспондира со претходната, Французинот сака целосна контрола во одлуките за посакуваните трансфери, а со тоа неговиот глас да биде над оној на директорката на клубот, Марина Грановскаја.

Зидан моментално е без ангажман, подолг период се поврзуваше со клупата на Манчестер јунајтед, и натаму е кандидат за тоа столче, каде со голем успех моментално работи Оле Гунар Солскјер, но, не се исклучува ниту опцијата Челси.