Португалецот одигра нова партија за паметење и со три погодока го однесе Јувентус во четвртфиналето од Лигата на шампионите. По големиот триумф, Кристијано Роналдо реши да ја копира контроверзната прослава на Диего Симеоне од пред три недели, и да покаже дека „има мад*ња“.

Тренерот на Атлетико го прокоментира овој потег и вели дека не гледа ништо лошо.

„Сигурен сум дека неговиот гест беше наменет за фановите на Јувентус, исто како што мојот гест на Ванда беше наменет за нашите фанови. Сакаше да покаже дека има карактер“ - вели Диего Симеоне.

„Кристијано Роналдо е еден од најдобрите во светот, па сосема нормално е тоа што блесна вечерва и одигра ваков натпревар“.