Јувентус синоќа оствари фантастичен резултат со доминантна игра против Атлетико Мадрид, надополни негатива од 2-0 и се пласираше во четвртфиналето од Лигата на шампионите.

И покрај добрите резултати кои ги остварува, Алегри е мета на некои критичари кои се сомневаат во неговите тренерски способности.

„Тие кои критикуваат не се мој проблем, тоа нивни проблем. Што повеќе треба да направам? За пет години освоив четири и три-четвртини Скудета, два пати игравме во финале од Лигата на шампионите, четири пати го освоивме Купот на Италија“, вели Алегри.

„Што повеќе да направам? Тие се тие на кои им треба третман, не мене. Во секој случај, критиките можат да бидат поучни, и мене ми е забавно“.