Категорија: Останато 15.03.2019 18:20
Диего Симеоне е казнет парично поради начинот на кој прослави во победата на Атлетико Мадрид против Јувентус, откако најпрво се фати за меѓуножјето, и на таков начин гестикулираше, иако се правдаше дека тоа нема никаква врска со противничката екипа, на крајот доби казна.
Од друга страна пак, Кристијано Роналдо поради истата причина се уште чека на тоа дали ќе биде казнет, а интересна вест ни пристигнува од Хрватска, каде млад фудбалер на Хајдук прослави во стилот на Симеоне и Роналдо истовремено.
Тино Блаж Лауш најпрво погоди за тимот од Сплит, за потоа да следи гестикулација која беше „наградена“ со директен црвен картон од главниот арбитар на мечот, на што од Хајдук веднаш реагираа дека било престрога одлука.