„Супер Марио“ се препороди по преселбата во Марсеј, ги тресе противничките мрежи и се забавува со луди прослави. Против Сент Етјен зеде мобилен, направи селфи и славјето со соиграчите веднаш го објави на Инстаграм.

Потоа против Ница седна крај гол-аут линијата и почна да игра лист, камен, ножички со својот соиграч Товен.

Денеска на програмата беше големото „класико“ во Франција, Марсеј гостуваше кај ПСЖ и Марио Балотели планирал на Паркот на Принцовите да изрежира прослава за паметење.

Според новинарот на Канал+, Оливие Таларон, во случај на гол во Париз, Марио Балотели планиран да покаже маичка со ликот на Маркус Рашрод под неговиот дрес.

Контроверзниот Италијанец, и покрај тоа што играше за Манчестер Сити а не за Манчестер јунајтед, сакал да ги поздрави „парижаните“ за начинот на кој беа елиминирани од Лигата на шампионите, кога Рашфорд во последните мигови погоди од пенал за големо славје на „ѓаволите“.