Категорија: Италија 22.03.2019 13:10
„Волчицата“ минатата сабота неочекувано загуби на гостувањето кај СПАЛ и дополнително заостана во битката за топ четири пласман и место во Лигата на шампионите.
Медиумите од
Италија сега пишуваат за голем инцидент во соблекувалната на полувремето од
овој меч. Един Џеко бил бесен, се дерел и шутирал разни предмети. Босанецот
потоа му се пуштил на Стефан Ел Шарави, и му замерил поради тоа што не му додал
во една ситуација.
„Фараонот“ не
премолчел, па двајцата се фатиле за гуша и морале да реагираат соиграчите за да
биде спречена тепачка. Ситуацијата дополнитело се искомпликувала откако Раниери
решил да го замени Ел Шарави и на стартот од вториот дел на негово место да го
пушти Пероти.
Ваквата „казна“
не му се допаднала на Италијанецот, кој останал разочаран и барал еднаков третман, па се говори
дека оваа епизода може да има влијание врз иднината на Ел Шарави и тој да не го
потпише новиот договор кој го има на маса.
Инцидентот може да биде и изговор за Рома да го продаде и Еден Џеко по крајот на сезоната. Босанецот има 33 години и висока плата од 6 милиони евра плус бонуси. Напаѓачот игра очајна сезона со само 7 погодока во Серија А, и се уште нема постигнато гол на „Олимпико“ во првенството. Интер изминатиов период често се споменуваше како клубот кој сака да го види голгетерот во своите редови.