Англија немаше милост кон чешка на стартот од квалификациите за Европското првенство 2020, победија со 5-0, а во главната улога беше Рахим Стерлинг.

Стерлинг постигна хет-трик, еднаш реализираше Хари Кејн кој погоди од пенал, последниот гол Чесите сами си го дадоа, Калаш ја погоди сопствената мрежа.

Португалија со Кристијано Роналдо не успеа да ја победи Украина во Лисабон, натпреварот заврши 0-0.

Проблем немаше Франција која со 4-1 славеше во Молдавија, по еден гол дадоа Гризман, Варан, Жиру и Мбапе.

Турција со 2-0 славеше на гостувањето кај Албанија, Јилмаз и Чалханоглу беа стрелци на головите.

Со 2-0 победи и Исланд во Андора, а изненадување направи Луксембург кој со 2-1 беше подобар од Литванија.