Категорија: Англија 23.03.2019 15:22
Филипе Кутињо минува низ тежок период во Барселона, Бразилецот не успеа да се избори за првотимски статус во редовите на Каталонците, а веќе подолг период неговата форма значително опаѓа.
Од неговиот трансфер во Барселона од Ливерпул, Кутињо не го прокажа тоа што го знае и умее на терените во дресот на Каталонците, кои сега се шпекулира дека на лето би можеле и да го продадат.
Како што пренесе Спорт, се вели дека агентите на фудбалерот веќе го понудиле својот клиент на Манчестер јунајтед пред неколку седмици, но, од таму добиле негативен одговор, па останува нејасно каква ќе биде иднината на Кутињо во Барселона, клуб со кој има важечки договор до 2023. година.