Категорија: ЕВРО 2020 26.03.2019 01:08
20 годишниот напаѓач на ПСЖ се најавува како новиот „галактико“. Се говори дека е желба број 1 на Зинедин Зидан и наводно Реал е подготвен да одвои рекордни 280 милиони евра, сторија која подоцна беше демантирана од страна на „кралевите“.
Но доколку Флорентино Перез реши да тргне по Килијан Мбапе, сигурно нема да погреши. Фудбалерот вечерва против Исланд имаше нова одлична партија, забележа две асистенции и постигна погодок. Тој испиша и рекорд откако стана најмладиот играч со 30 настапи во дресот на „Триколорите“ и го собори претходното постигнување на Карим Бензема.
За одбележување е неговиот потег при последниот гол, генијално му асистираше на Гризман со пета, а фудбалерот на Атлетико Мадрид мајсторски реализираше за 0-4 и почна да свири на гитара при прославата.