Категорија: Шпанија 15.04.2019 12:04
20 годишниот Деклан Рајс има одлична сезона и неодамна дебитираше за Англија откако „Трите Лава“ обезбедиај дозвола од ФИФА за тој да ја промени репрезентацијата откако претходно ги носеше дресот на Ирска.
Фудбалерот од средниот ред е на радарот на најголемите клубови од Англија, се говори дека Манчестер јунајтед е најзагреан и Деклан Рајс е на врвот на листата со желби на Оле Гунар Солскјер.
Но според поранешниот играч на Вест Хем, Скот Минто за услугите на Деклан Рајс интерес пројавува и Реал Мадрид, „кралевите“ веќе оствариле контакт и разговарале со семејството на фудбалерот.
„Слушам дека дури и Реал Мадрид тропа на неговата врата и разговара со семејството. Нема да ви кажам кој ми го откри ова, но се работи за веродостоен извор“ - вели Минто.
Реал Мадрид летоска ќе прави реконструкција на тимот и клубот од „Сантијаго Бернабеу“ се поврзува со голем број на фудбалери.