ЦР7 испиша нова страна во историјата откако со Јувентус се радуваше на Скудето во саботата. Португалецот стана првиот играч кој стигнал до титула во Премиерлигата, Ла Лига и Серија А.

Но Марио Балоели не е премногу импресиониран од ова постигнување и во свој стил го искоментира новиот рекорд.

Инстаграм страната 433 објави пост кој гласеше: „Кристијано Роналдо е првиот играч во историјата кој триумфирал во првенствата на Англија, Шпанија и Италија“.

Во низата коментари се најде и оној на „Супер Марио“, кој напиша: „Само затоа што јас никогаш немам играно во Шпанија“.

Проблематичниот Италијанец има титула во Серија А во дресот на Интер, а ја освои и Премиерлигата со Манчестер Сити.